बेनी ।मेरो माइक्रोफाइनान्स लघुवित्त वित्तिय लिमिटेड शाखा कार्यालय मोहनचोक शाखा,पर्वतको वार्षिक केन्द्र प्रमुख गोष्ठी तथा वित्तीय साक्षरता अभिबृद्धि कार्यक्रम सम्पन्न भएको छ । शाखा कार्यालयको शुक्रबार एक कार्यक्रमका विच सम्पन्न भएको हो । कार्यक्रममा गाउँपालिकाका सहायक अधिकृत प्रताप शर्माले लघुवित्त क्षेत्रले देशको अर्थतन्त्रमा ठुलो योगदान दिएको बताउनुभयो । आगामी दिनमा गाउँपालिकाले लघुवित्त सँग आवश्यक सहकार्य गर्ने उहाँले बताउनुभयो । यसैगरी तनहुँको खैरिनिटार अनुगमन अधिकृत देवराज पाण्डेले लघुवित्तको वर्तमान अवस्था र मेरो माइक्रोफाइनान्सको बारेमा जानकारी गराउनुभएको थियो ।
विक्रम संवत फागुन २०७६ मा स्थापना भएको संस्थाको २ वटा जिल्लाका पाँच गाउँपालिका र नगरपालिका शाखामा कार्यक्रम बिस्तार भएका छन् । ६ सय जना सदस्य र ३४० जना ऋणीको संख्या रहेका छन् ।चार करोड रुपैयाँ कर्जा लगानी गरेको संस्थाको ९० लाख रुपैयाँ बचत रहेको शाखा प्रमुख प्रमिला श्रेष्ठले बताउनुभयो । साथै सोही कार्यक्रममा उत्कृष्ट केन्द्रहरुलाई पुरस्कृत गरिएको थियो ।
कार्यक्रममा मिलनचोक प्रहरी चौकीका सई राजेश मल्ल ,कास्कीको ढिकुरपोखरी शाखा प्रवन्धक रामकृष्ण पुडासैनी ,बागलुङका शाखा प्रवन्धक प्रकाश पंगेनी लगायतको सहभागीता रहेको थियो । कार्यक्रमको सन्चालन हर्क केसीले गर्नुभएको थियो भने संस्थाका कर्मचारी मेघराज सुवेदीले स्वागत गर्नुभएको थियो ।
