काठमाडौं । खोटाङ जन्तेढुंगा गाउपालिका-५ घोर्ले स्थित तारेभिरबाट अटो टेम्पो खस्दा अटोमा सवार सोही स्थानका १३ वर्षीय गोकुल परियारको मृत्यु भएको छ।उनको उपचारको लागी घोपा धरान ल्याउने क्रममा मंगलबार बेलुका ५ बजे बाटोमा मृत्यु भएको हो।
दुर्घटनामा टेम्पो चालक जेन्तेढुंगा ४ का ३३ वर्षीय जीवन राई, चालककै छोरा ७ महिनाको जर्मन राई, जेन्तेढुंगा-५ का १६ वर्षीय मणिराम राई, सोही स्थानका ६५ वर्षीय रत्नबहादुर राई रहेका छन्। घाइतेमध्ये मणिराम राईको अवस्था सामान्य छ। बाँकीलाई उपचारका लागि धरानतर्फ पठाइएको प्रहरीले जनाएको छ।
मंगलबार बिहान १० बजे घोर्लेबाट बिरामी बोकी चिसापानी आउने क्रममा लु१स ०३५० नम्बरको अटो टेम्पो तारेभिरबाट अन्दाजी ५०० मिटर तल खसेको हो। घटनाको जानकारी पाएलत्तै इलाका प्रहरी कार्यालय चिसापानीबाट प्रहरी टोली गएर घाइतेहरूलाई उद्धार गरेको थियो। सेतोपाटीबाट
