भक्तपुर । भक्तपुरको चाँगुनारण नगरपालिका वडा नम्बर ६ मा रहेको वालवन वाल खोलामा एक युवक मृत भेटिएका छन् । उक्त युवकलाई मृत अवस्थामा पानीमा डुबी रहेको अवस्थामा भेटिएको प्रहरी जनाएको छ ।
भक्तपुर प्रहरीका अनुसार २०७७ जेठ १ गते पाएको विशेष सुचनाको आधारमा प्रहरीले उनलाई खोलामा मृत अवस्थामा घोप्टो अवस्थामा भेटेको जनाएको छ । उहीलेसम्म उक्त युवकको एकिन नाम थर वतन खुलेको छैन ।उक्त युवा अन्दाजी ३० वर्षका रहेका छन् । अहिले उक्त युवकको शव पोष्टमार्टमको लागि काठमाडौं मेडिकल कलेज दुवाकोटमा राखिएको छ ।
हालसम्म मृतकको पहिचान नभएको र हुलिया गहुँगोरो वर्ण, ५ फिट ८ इन्च, मझौला शरिर, दाहिने हातको बुढी औंला र चोरी औलाकोबीचमा ओम लेखिएको ट्याटु, बाँया खुट्टाको पिडौलादेखि बाँया खुट्टाको कान्छी औलासम्म पुरानो खत रहेको, छोटो कपाल र अन्दाजी ३० वर्षको युवकलाई कसैले चिनेको वा जनानेको भए प्रहरीलाई (मोवाइल नं. ९८५१२८३०२०) खबर गर्न सूचना अधिकारी प्र.ना.उ दिपक गिरीले आग्रह गर्नुभएको छ । नागरिक खबरबाट
