सुनसरी । सप्तकोसी नदीमा हाम्फालेका एक व्यक्तिलाई प्रहरीले सकुशल उद्धार गरेको छ। कोसी गाउँपालिका-८ स्थितमा रहेको कोसी ब्यारेजबाट पुलबाट हाम्फालेका संखुवासभाका ४० वर्षीय एक पुरुषलाई प्रहरीले उद्धार गरेको हो।
सुन्दरहरैंचामा बसोबास गरिरहेका ती पुरुष बिहीबार अपराह्न ५ बजे कोसी ब्यारेजको १० नम्बर ढोकाबाट हाम्फालेको जिल्ला प्रहरी कार्यालय सुनसरीले जनाएको छ।
प्रहरी चौकी कोसी ब्यारेजबाट खटिएको प्रहरी टोलीले स्थानीय माझीहरूको सहयोगमा उनलाई तत्कालै उद्धार गरेको हो। उद्धार गरिएका पुरुषलाई उपचारको लागि इनरुवा अस्पताल पठाइएको छ। सेतोपाटीबाट
