काठमाडौं । पछिल्लो २४ घण्टामा देशभर ६ हजार ९ सय ५१ जनामा कोरोना संक्रमण पुष्टि भएको छ । मन्त्रालयका अनुसार १९ हजार ३१३ आरटी पिसिआर र ७९७ एन्टिजेन परीक्षण गरिएकोमा ६ हजार ९ सय ५१ जनामा संक्रमण पुष्टि भएको हो ।
योसँगै हालसम्म कोरोना संक्रमितको संख्या ५ लाख ४९ हजार १ सय ११ पुगेको छ । हाल देशभर १ लाख १३ हजार ३ सय ९४ जना सक्रिय संक्रमित अवस्थामा रहेका छन् ।
पछिल्लो २४ घण्टामा कोरोनाभाइरसबाट ९६ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ७ हजार ४७ पुगेको छ ।यस्तै पछिल्लो २४ घण्टामा ९ हजार ८ सय ४१ जनाले कोरोना जितेका छन् । यो संगै कारोना संक्रमणमुक्त हुनेको संख्या ४ लाख १८ हजार ८ सय २९ रहेको छ । निको हुने दर ७८.१ प्रतिशत रहेको छ ।
