काठमाडौँ । पछिल्लो २४ घण्टामा थप २ हजार ४ सय ७६ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार ९ हजार ५ सय ८६ आरटी पिसिआर र ४ हजार ७ सय ६५ एन्टिजेन विधिबाट परिक्षण गर्दा जम्मा २ हजार ४ सय ७६ जनामा कारोना संक्रमण पुष्टि भएको हो ।
हालसम्म नेपालमा पिसिआर विधिबाट ६ लाख ३१ हजार १ सय ५२ जनामा र एन्टिजेन विधिबाट ३० हजार ६ सय ८९ जनामा कोरोना संक्रमण पुष्टि भएको छ ।संक्रमितहरुमध्ये मुलुकभरका विभिन्न अस्पतलाको आइसियूमा ७ सय १४ जना र भेन्टिलेटरमा २ सय १ जना उपचाररत छन् ।
पछिल्लो २४ घण्टामा कोरोनाभाइरसबाट २७ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ८ हजार ९ सय ४५ पुगेको छ ।यस्तै पछिल्लो २४ घण्टामा ५ हजार ४ सय ५५ जनाले कोरोना जितेका छन् । यो संगै कारोना संक्रमणमुक्त हुनेको संख्या ५ लाख ७६ हजार ४ सय १३ रहेको छ ।मन्त्रालयका अनुसार निको हुनेको दर ९१.३ प्रतिशत छ ।
