काठमाडौं । राजधानी न्युज पब्लिकेशनका अध्यक्ष महेन्द्र शेरचनको निधन भएको छ । कोभिड–१९ बाट संक्रमित उहाँको ६७ वर्षको उमेरमा बुधबार साँझ निधन भएको हो ।
संक्रमित भएपछि उहाँ नेपाल एपिएफ अस्पतालमा उपचाररत हुनुहुन्थ्यो । राजधानी न्युज पब्लिकेशनका संस्थापक अध्यक्ष शेरचनले नेपाली मिडिया सञ्चालकको छाता संगठन मिडिया सोसाइटीको नेतृत्वसमेत सम्हाल्नुभएको थियो । उहाँ पछिल्लो समय मिडिया सञ्चालककै संस्था मिडिया अलाइन्सको उपाध्यक्ष हुनुहुन्थ्यो ।
शेरचनका श्रीमती, तीन छोरा र एक छोरी छन् । उहाँको पार्थिव शरीरलाई बिहीबार बिहान ११ बजे पशुपति आर्यघाटस्थित इलेक्ट्रोनिक शवदाह गृहमा अन्त्येष्टि गरिने जनाइएको छ । रातोपाटीबाट
