काठमाडौं । पछिल्लो २४ घण्टामा नेपालमा थप १ हजार ३ सय ८८ जनामा कोरोना भाइरस संक्रमण पुष्टि भएको छ । ७ हजार २ सय ५९ पीसीआर परीक्षण गर्दा १ हजार २ सय १४ जना र ३ हजार ३८ एन्टिजेन परीक्षण गर्दा १ सय ७४ गरी १ हजार ३ सय ६६ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
हालसम्म नेपालमा पिसिआर विधिबाट ७ लाख ५९ हजार २ सय २२ जनामा र एन्टिजेन विधिबाट ८२ हजार ९ सय ७१ जनामा कोरोना संक्रमण पुष्टि भएको छ । यस्तै पछिल्लो २४ घण्टामा कोरोना संक्रमणबाट २४ जनाको मृत्यु भएको छ भने २ हजार २ सय ६० जना निको भएका छन् । योसँगै नेपाल मृत्यु हुनेको संख्या १० हजार ७ सय १४ पुगेको छ भने ७ लाख १२ हजार ७ सय १२ जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या ३५ हजार ७ सय ९६ जना रहेका छन् ।
