काठमाडौं । पछिल्लो २४ घण्टामा नेपालमा थप २ हजार ४ जनामा कोरोना भाइरस संक्रमण पुष्टि भएको छ । १० हजार ६ सय ५८ पीसीआर परीक्षण गर्दा १ हजार ६ सय १९ जना र ३ हजार ९ सय ९२ एन्टिजेन परीक्षण गर्दा ३ सय ८५ गरी २ हजार ४ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
हालसम्म नेपालमा पिसिआर विधिबाट ७ लाख ६५ हजार ९ सय १४ जनामा र एन्टिजेन विधिबाट ८४ हजार २ सय ९४ जनामा कोरोना संक्रमण पुष्टि भएको छ । यस्तै पछिल्लो २४ घण्टामा कोरोना संक्रमणबाट १६ जनाको मृत्यु भएको छ भने १ हजार ८ सय ४६ जना निको भएका छन् । योसँगै नेपाल मृत्यु हुनेको संख्या १० हजार ७ सय ८६ पुगेको छ भने ७ लाख २१ हजार १ सय ८२ जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या ३३ हजार ९ सय ४६ जना रहेका छन् ।
