धनगढी । डडेलधुरामा पहिरोले घर पुरिदा एक जनाको मृत्यु भएको छ । लगातारको वर्षापछि आएको पहिरोले घर पुरिदा गन्यापधुरा गाउँपालिका–१ भातकाँडाका ३२ वर्षीय विष्णु अवस्थीको मृत्यु भएको प्रहरीले जनाएको छ ।
सुदूरपश्चिम प्रदेश प्रहरी कार्यालय धनगढीका प्रवक्ता प्रहरी वरिष्ठ उपरीक्षक विक्रम चन्दले पहिरोमा पुरिएर अवस्थीको सोमबार राति मृत्यु भएको पुष्टि गर्नुभयो । उहाँकाअनुसार डडेलधुरामै पहिरोमा परेर अन्य थप दुई जना घाइते भएका छन् ।
अमरगढी नगरपालिका–१ मा पहिरोमा परेर दुई जना घाइते भएको बताउँदै एसएसपी चन्दले उनीहरुको डडेलधुरा अस्पतालमा उपचार भइरहेको जानकारी दिनुभयो । घाइते दुवै जनाको परिचय भने खुल्न नसकेको प्रहरीले जनाएको छ । अनलाइनखबरबाट
