ताप्लेजुङ । एमाले ताप्लेजुङको अध्यक्षमा भुपेन्द्र थेबे विजय हुनुभएको छ । बलबहादुर सम्मसोहाङलाई ५६ मतले पछि पार्दै थेवे विजयी हुनुभएको हो । ६३५ मत खसेकोमा थेवेले ३२९ र साम्सोहाङले २७३ मत प्राप्त गर्नुभएको थियो। थेवे केपी ओली र साम्सोहाङ तत्कालीन एमाले वरिष्ठ नेता माधवकुमार नेपाल पक्षका नेता हुनुहुन्छ । नेपालले नयाँ दल नेकपा (एकीकृत समाजवादी) दर्ता गरेपछि उहाँ एमालेमै फर्किनुभएको थियो ।
उपाध्यक्षमा सन्तोष खतिवडा ३३१ मत प्राप्त गरी विजयी हुनुभएको छ । अर्का उम्मेदवार मातृकाप्रसाद भट्टराईले २४६ मत प्राप्त गर्नुभएको थियो। सचिव पदमा केशरकुमार मेन्याङबो विजय हुनुभएको छ । मणि पोमु र दिपेन पोमु सहसचिवमा विजय हुनुभएको छ । खुल्ला १३ सदस्यमा थेवे पक्षका १० र साम्सोहाङ पक्षका दुईजना विजयी हुनुभएकोे छ । थेवे समूहका कुमार मादेन,अम्बिका नुगो लिम्बू,निमातेञ्जी शेर्पा, प्रकाश इवारम, पदम सुनुवार, शरदराज निरौला, लेखनाथ भट्टराई, हर्कराज पालुङ्वा, नन्दलाल गौतम र कुलमणि दाहाल विजयी हुनुभएको छ ।
साम्सोहाङ समूहबाट तारानाथ घिमिरे र सन्तोष प्रसाई तथा दुवै समूहमा रहेका दीपक अधिकारी विजयी हुनुभएको छ । ६ खुला महिला सदस्यमा थेवे समूहका भीमादेवी ओझा, निर्मला इजम, कोपिला नेपाली, टीकादेवी दाहाल र पार्वता यक्सो तथा साम्सोहाङ समूहका शान्ता आङ्बुहाङ विजयी हुनुभएको छ । तीन दलित कोटाबाट थेवे समूहका खगेन्द्र नेपाली,सन्तोष तोलाङ र मनकुमार नेपाली विजयी हुनुभएको छ ।nagarikkhabar
