थप २५२६ जनामा कोरोना संक्रमण, १६ को मृत्यु

काठमाडौँ । पछिल्लो २४ घण्टामा नेपालमा २ हजार ५ सय २६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ७३ जनाको नमूना परीक्षण गर्दा उक्त संख्यामा संक्रमित फेला परेका हुन् ।

यस्तै कोरोना संक्रमणका कारण थप १६ जनाको मृत्यु भएको छ । कोरोनाका कारण नेपालमा मृत्यु हुनेको संख्या ११ हजार ७ सय ९४ पुगेको छ । यस्तै पछिल्लो २४ घण्टामा ८ हजार ४ सय २५ जना निको भएका छन् । नेपालमा हाल सक्रिय संक्रमितको संख्या ४६ हजार ४ सय ५७ रहेको छ ।