बेनी । म्याग्दी सदरमुकाम बेनीदेखि बेनी नगरपालिका–२,बगरफाँट तर्फ जादै गरेको अटो सोही वडाको बाङ्गेरामा दुर्घटना हुँदा दुई जना घाइते भएका छन् । शुक्रबार राति करिब ८ : १५ बजेको समयमा ग.प्र. ०२००१ ह००२० नम्बरको अटो अचानक अनियनियन्त्रित भई दुर्घटना हुँदा बेनपा–२,निवासी २० वर्षिय चालक सुशिल कुँवर र अटोमा सवार बेनपा–३ ,भकिम्लिका १५ वर्षिय रिजन हुमेन घाइते हुनुभएको जिल्ला प्रहरी कार्यालय म्याग्दीले जनाएको छ ।
घाइतेहरुको प्रादेशिक अस्पताल बेनीमा उपचार हुँदैछ । घाइते दुवै जनाको स्वास्थ्य अवस्था सामान्य रहेको छ । अटो सडकदेखि करिब बीस मिटर तल खसेको थियो ।सुशिल कुँवरको बाँया हात ददारिएको, टाउको पछाडी सामान्य चोट लागेको छ भने रिजन हुमेनको दाहिने खुट्टाको तिघ्रामा ददारिएको, पछाडी ढाड ददारेको छ ।
