रेडियो उद्घोषण तथा पत्रकारिता तालिमको समापन

प्रताप बानियाँ 
म्याग्दी, मंगलबार पौष १७ गते । एक हप्तादेखि म्याग्दीको सदरमुकाम बेनीमा जारी आधारभूत रेडियो उद्घोषण तथा पत्रकारिता तालिम मङ्गलबार सम्पन्न भएको छ । म्याग्दीकाली सञ्चार सहकारी संस्थाद्वारा सञ्चालित म्याग्दीकाली एफएम ८८ दशमलव २ मेगाहर्जको आयोजनामा तालिम सञ्चालन गरिएको थियो ।


तालिमको समापन गर्दै बेनी नगरपालिकाका उपप्रमुख सन्जु बरुवालले तालिममा सिकेका ज्ञान र सिपलाई व्यवहारमा उतार्न सहभागीलाई आग्रह गरेकी छिन् । उनले दक्ष तथा सक्रिय रेडियो उद्घोषक एवं पत्रकार बनेर गुणस्तरीय समाचारलेखनका साथै कार्यक्रमहरु सञ्चालन गर्नुपर्नेमा जोड दिँदै नगरपालिकामार्फत आवश्यक सहयोग गरिने बताएकी थिइन् ।


नेपाल पत्रकार महासंघ जिल्ला शाखा म्याग्दीका उपाध्यक्ष ठाकुरप्रसाद आचार्यले जिल्लामा सञ्चालित सञ्चारमाध्यमहरुमा दक्ष जनशक्तिको अभाव रहेको भन्दै सञ्चारमाध्यमको संस्थागत विकासका लागि स्थानीय तहले सहयोग गर्नुपर्ने बताए । कार्यक्रममा म्याग्दी उद्योग वाणिज्य संघका अध्यक्ष उत्तमकुमार कर्माचार्य, म्याग्दीकाली सञ्चार सहकारीका कोषाध्यक्ष सुविन श्रेष्ठ र तालिमका प्रशिक्षक ध्रुवसागर शर्माले मन्तव्य राखेका थिए ।


यसैगरी तालिमका सहभागीद्वय कृष्ण कार्की र ममता बराईलीले अनुभव सुनाएका थिए । तालिमका प्रशिक्षकलाई कदरपत्र र मायाको चिनो तथा सहभागीहरुलाई प्रमाणपत्र वितरण गरिएको थियो । कार्यक्रम म्याग्दीकाली सञ्चार सहकारी संस्थाका कार्यवाहक अध्यक्ष विजयकुमार श्रेष्ठको अध्यक्षता र एफएमका स्टेशन म्यानेजर अमित विश्वकर्माको सञ्चालनमा सम्पन्न भएको थियो । एक हप्तासम्म चलेको तालिममा ३७ जना प्रशिक्षार्थीहरुले सहभागिता जनाएका थिए ।

सम्बन्धित समाचार

thumbnail

जिसस म्याग्दीको खाता रोक्का हुँदा समस्या

म्याग्दी । जिल्ला समन्वय समिति (जिसस) म्याग्दीको सबै खाता रोक्का भएकाे छ । तत्कालीन जिल्ला विकास समितिले पाँच वर्षअघि तोडेको ठेक्कासम्बन्धी मुद्दामा अदालतले तोकेको रकम निर्माण व्यवसायीलाई भुक्तानी गर्न नसकेपछि काठमामाडाैं  जिल्ला…

thumbnail

म्याग्दीका पाँच जना पत्रकार पुरस्कृत (फोटो फिचर)

बेनी । म्याग्दीमा क्रियाशिल पाँच जना पत्रकार पुरस्कृत हुनुभएको छ । जिल्ला समन्वय समिति म्याग्दीले प्रदान गर्ने विकास पत्रकारीता पुरस्कारबाट सोमबार हरिकृष्ण गौतम,कमल खत्री ,घनश्याम खड्का ,धुर्वसागर शर्मा र ठाकुर प्रसाद आचार्य…

thumbnail

जापानको नागोयामा नवप्रवेशी विद्यार्थीलाई स्वागत तथा सम्मान कार्यक्रम

म्याग्दी । अध्ययन र रोजगारीका लागि जापान गएका म्याग्देली विद्यार्थीहरुलाई जापानमा स्थापित म्याग्दी प्रवासी नेपाली संघ मोना जापान क्षेत्रीय समिती नागोयाले आइतबार एक कार्यक्रमका बीच स्वागत तथा सम्मान गरेको छ । ‘प्रवासी…