गौचनद्धारा जन्मदिनको अवसरमा टुहुरी बालिकाको अभिभावकत्व ग्रहण (फोटो/ भिडियो सहित )

साधन राम्जाली / म्याग्दी ,शुक्रबार असार ६ गते । म्याग्दीकी एक महिला नेतृले टुुहुरी बालिकाको अभिभावकत्व ग्रहण गरी आफ्नो जन्मदिन मनाउनुभएको छ ।


शुक्रवार आफ्नो जन्मदिनको अवसर पारेर बेनी नगरपालिका वडा नं ८ बेनी बजार निवासीृ विमला गौचनले बुद्ध एकेडेमीमा अध्ययनरत टुुहुरी बालिका रीतिका जिसीको उच्च शिक्षा अध्ययनसम्मको ग्रहण गर्नुभएको हो ।

नेपाल महिला संघ म्याग्दीकी अध्यक्ष समेत रहनुभएकी गौचनले रीतिकालाई उच्चशिक्षासम्म पढ्नका लागि मासिक शुल्कलगाएत अन्य सम्पूर्ण खर्च आफूले व्यहोर्ने गरी अभिभावकत्व ग्रहण गर्नुभएको हो । रीतिकाका बुबा बाबु जिसीको गत बर्ष असोजमा घाँस काट्ने क्रममा लडेर मृत्यु भएको थियो ।

आफ्नो ५८ औं जन्मदिनको अवसरमा समाजसेवी एवम् नेपाल महिला संघ म्याग्दीको अध्यक्ष समेत रहनुभएकी गौचनले विद्यालयमा पुगेर अभिभावकत्व ग्रहण गरी जन्मदिन मनाउनुभएको हो । गौचनले टुहुरी बालिकाको उच्च शिक्षा सम्मको अध्ययनमा लाग्ने खर्चको जिम्मा आफुले व्यहोर्ने बताउनुभयो । आर्थिक अभावकै कारण बालिकाको अध्ययनको यात्रा विचल्लीमा नपरोस् भनि सहयोग गरेको समाजसेवी एवम् नेतृ गौचनले बताउनुभयो ।

‘सानै उमेरमा बुबा गुमाउनु परेको अकल्पनिय दुखद घटनाले मलाई स्तब्ध बनाएको छ,टुहुरी रीतिकालाई उच्च शिक्षासम्म अध्ययन गर्न लाग्ने सम्पूर्ण खर्च मैले भुक्तानी गर्नेछु ’समाजसेवी एवम् नेतृ गौचनले भन्नुभयो ।

रीतिकाकी आमा शोभाको जिविकोपार्जनमा पनि आफुले सहयोग गर्ने गौचनको भनाई छ । नेपाल महिला संघ म्याग्दीकी अध्यक्ष एवम् विभिन्न संघ संस्थामा आवद्ध रहनुभएकी गौचनले यसअघि पनि विभिन्न सामाजिक क्षेत्रमा सहयोग गर्दै आउनुभएको छ ।

बुबाको मृत्यु भएपछि विचल्लीमा परेका दुई बहिनीमध्ये रीतिकाकी जेठी दिदी रियानालाई विद्यालयले उच्च शिक्षासम्मको अध्ययनको जिम्मा लिएको बुद्ध एकेडेमीका प्रिन्सिपल ध्रुबसागर शर्माले जानकारी दिनुभयो । उहाँका अनुसार कान्छी बहिनी रीतिकाका अध्ययनमा लाग्ने खर्च भने आमा शोभाले आफन्तको सहयोग एवम् मजदुरी गरेर जुटाउँदै आउनुभएको थियो । दिदी रियाना कक्षा ६ मा अध्ययनरत हुनुहुन्छ भने बहिनी रीतिका कक्षा ४मा अध्ययनरत हुनहुुन्छ ।

रीतिकाकी आमा शोभाले गौचनलाई जन्मदिनको शुभकामना व्यक्त गर्नुहुँदै धन्यवाद तथा आभार व्यक्त गर्नुभयो । सोही अवसरमा गौचनले दुई बहिनी रियाना र रितिकालाई झोला र कापी कलम पनि वितरण गर्नुभएको थियो ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…