भवन निर्माणका लागि पुर्जाद्धारा आर्थिक सहयोग

दलप्रसाद तिलिजा / बेग, बुधबार जेठ २९ गते ।
म्याग्दीको रघुगंगा गाउँपालिका १ बेगको गाउँ खोला टोल समितिको भवन निर्माणका लागि आर्थिक सहयोग प्राप्त भएको छ । साविक वडा नं ५ पाँचको ठुलो गाउँमा निमाणाधिन भवनलाई सोहि वडाका शिवनाथ पुर्जाले आर्थिक सहयोग गर्नुभएको हो ।

पुर्जाले टोल समितिकी सदस्य लक्ष्मी फगामी मार्फत टोल सुधार समितिका अध्यक्ष उदबहादुर पुर्जा मगरलाई ३१ हजार १ सय १५ रुपैयाँ सहयोग उपलब्ध गराउनुभएको हो ।
गाउँमा हुने बैठक ,भेला तथा विभिन्न सामाजिक कार्यका लागि भवन अभाव भएकाले भवन निर्माणका लागि सहयोग गरिएको सहयोगदाता पुर्जाले जानकारी दिनुभयो ।

सहयोगदाता पुर्जालाई धन्यवाद दिनुहुँदै टोल सुधार समितिका अध्यक्ष पुर्जाले भवन निर्माण संगै टोल समितिको बैठक ,भेला तथा सामाजिक कार्यका लागि प्रयोगमा ल्याइने बताउनुभयो । वडा कार्यालयको सिफारिसमा गाउँपालिकाको तीन लाख ५० हजार रुपैयाँ आर्थिक सहयोग,स्थानीय टोल बासीको आर्थिक सहयोग तथा श्रमदानमा एक तले पक्की भवन निर्माण हुन लागेको अध्यक्ष पुर्जाले जानकारी दिनुभयो ।

सम्बन्धित समाचार

thumbnail

बेनीमा असार २० र २१ गते विद्यालयस्तरीय ‘राष्ट्रपति रनिङ शिल्ड’ प्रतियोगिता हुने

म्याग्दी । म्याग्दीको सदरमुकाम बेनीमा जिल्ला स्तरीय राष्ट्रपति रनिङ शिल्ड विद्यालय स्तरीय खेलकुद प्रतियोगिता हुने भएको छ । जिल्ला खेलकुद विकास समितिको आयोजनमा यही असार २० र २१ गते सदरमुकाम बेनीमा राष्ट्रपति…

thumbnail

म्याग्दी बहुमुखी क्याम्पसका प्राध्यापकलाई अनुसन्धानलेखन विषयक तालिम

बेनी । म्याग्दीको सदरमुकाम बेनीमा रहेको म्याग्दी बहुमुखी क्याम्पसमा अनुसन्धानलेखन तालिम सम्पन्न भएको छ । विश्वविद्यालय अनुदान आयोगको आर्थिक सहयोग र क्याम्पसको व्यवस्थापनमा अनुसन्धान लेखनसम्बन्धी विषयक तालिम सञ्चालन गरिएको थियो । साताव्यापी…

thumbnail

बेनी–दरबाङ सडक अवरुद्ध

बेनी । म्याग्दीको बेनी –दरबाङ सडक अवरुद्ध भएको छ । बेनी –दरबाङ सडक अन्तर्गत मालिका गाउँपालिकाको वडा नम्बर ६ स्थित बाङ्गे पहिरो सडकमा मंगलबार बिहान माथिबाट खसेको पहिरोले सडक अवरुद्ध भएको यातायात…