काभ्रेमा पहिरो जाँदा बेनी–जोमसोम सडक अवरुद्ध

बेनी,शुक्रबार असार २७ गते । बेनी–जोमसोम सडक खण्ड अन्तर्गत काभे्र भिर (बादरजंग)मा नदीले सडक कटान गरेपछी सिधा यातयात अवरुद्ध भएको छ । म्याग्दी र मुस्ताङको सीमानामा पर्ने काभ्रे भीरमा कालीगण्डकी नदीले सडक कटान गरेपछि म्याग्दीको उत्तरी क्षेत्र हँुदै मुस्ताङ जोड्ने बेनी–जोमसोम सडक अवरुद्ध भएको हो ।

अविरल बर्षाका कारण शुक्रबार दिउँसो मुस्ताङको थासाङ गाउँपालिका–४मा कालीगण्डकीले करिब दश मिटर सडक कटान गरेपछि ७६ किलोमिटर दुरीको बेनी–जोमसोम सडक अवरुद्ध बेनी–जोमसोम–कोरला सडक आयोजनाका सुपरभाइजर इन्द्रशिङ शेरचनले जानकारी दिनुभयो ।

उहाँका अनुसार सडक अवरुद्ध हुँदा बेनीबाट जोमसोमतर्फ र जोमसोमबाट बेनीतर्फ हिँडेका सबै सवारी साधन रोकिएका छन ्। यात्रामा रहेका तीर्थयात्री, पर्यटकहरु अलपत्र परेका छन् । ढुवानी समेत प्रभावित भएको छ । बेनी–जोमसोम–कोरला सडक आयोजनाको काम समेत प्रभावित भएको छ । अवरुद्ध भएको सडक खुलाउने कार्य जारी रहेको सुपरभाइजर शेरचनले जानकारी दिनुभयो ।

पहाडको फेदीमा रहेको सडक कटान भएकाले कालीगण्डकीको बहाव नघटेसम्म मर्मत गरी यातायात सञ्चालन गर्न चुनौती रहेको शेरचनले बताए । यसैगरी जिर्ण अवस्थामा रहेको म्याग्दीको रघुगंगा गाउँपालिका १ र अन्नपूर्ण गाउँपालिका ७ को सिमाना स्थित कालीगण्डकी नदीमाथि रहेको बेलिब्रिज भत्कने अवस्थामा पुगेको छ ।

नदी कटानका कारण बेनी– जोमसोम सडक खण्ड अन्तर्गत पर्ने बैैसरी, चमेरे, तितर, जलथले र काभ्रेभिरमा पहिरोले गर्दा बेलाबेलामा आवतजावतमा समस्या सिर्जना गर्न थालेको छ ।

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…