ललितपुरका चार हजार बढीले राहत बुझे

ललितपुर । कोरोना महामारीले दिनानुदिन उत्पन्न गरेको भयाभह अवस्थामा दक्षिण ललितपुरका चार हजार बढीले राहत लिएका छन् । ताइवानका बौद्ध धर्मावलम्बीको संस्था चु ची फाउण्डेसनले भौगोलिक विकटताका साथै कोभिड महामारीले आर्थिक अवस्था सङ्कटमा परेर गरिबीका साथै भोकसँग सामना गर्न बाध्य बागमती, महाँकाल र कोञ्ज्योसोमका चार हजार ४ सय ५९ जनालाई खाद्यान्न सहयोग गरेको हो ।

संस्थाले महामारीका साथै प्राकृतिक प्रकोप खेप्न बाध्य विश्वभरका जनतालाई सहयोग गर्दै आएको पूर्वअर्थराज्यमन्त्री उदयशम्शेर राणाले बताए । उनले भने, “यस संस्थालाई आग्रह गरेर हामीले यी तीन गाउँपालिकाका मानिसलाई महामारीका साथै नजिकै आइरहेको विजयादशमीका बेला प्रत्येक परिवारलाई २५ किलोको एक बोरा जिरा मसिनो चामल, १० किलो पिठो, तीन किलो दाल, दुई किलो चना, दुई लिटर तेल, साबुन र नुन वितरण गर्‍यौँ ।”

तीनै गाउँपालिकाका प्रमुखको उपस्थितिमा कोञ्ज्योसोम वडा नम्बर १ चौघरेका ४ सय २० घरधुरी, महाँकालका छवटै वडाका दुई हजार ५ सय २९ घरधुरी र बागमतीको वडा नम्बर १ घुसेल, वडा नम्बर २ माल्टा र वडा नम्बर ६ आश्राङका एक हजार ५ सय १० घरधुरीलाई राहत वितरण गरिएको संस्थाका स्वयंसेवक ऋषिदेव फुँयालले बताए । नागरिक खबरबाट साभार

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…