काठमाडौं । पछिल्लो २४ घण्टामा थप ७ सय ३६ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ५० हजार ९ सय १६ पुगेको छ ।
यस्तै पछिल्लो २४ घण्टामा थप ८ सय ४७ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ३८ हजार ५ सय ६९ पुगेको छ भने हाल देशभर ९ हजार ७ सय ५७ जना सक्रिय संक्रमित रहेका छन् ।
पछिल्लो २४ घण्टामा थप १३ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ७ सय ४३ पुगेको छ ।
