काठमाडौँ । आज काठमाडौं उपत्यकाको तापक्रम शून्यमा झरेको छ। मौसम पूर्वामानुमान महाशाखाका अनुसार आज बिहान ९ बजे मापन गर्दा ०.८ डिग्री रहेको छ। यस्तै, हाल देशमा पश्चिमी वायुको प्रभाव रहेको छ।
हाल देशका पहाडी भू-भागमा आंशिक बदली रही बाँकी भू-भागमा सामान्यतया सफा रहेको छ। आज दिउँसो प्रदेश १ मा आंशिक बदली, लुम्बिनी, सुदूरपश्चिम र कर्णाली प्रदेशमा आंशिकदेखि सामान्य बदली रही बाँकी भू-भागमा मौसम सामान्यतया सफा रहनेछ।
यस्तै, राती भने प्रदेश १ मा आंशिक बदली, सुदूरपश्चिम, कर्णाली र गण्डकी प्रदेशमा आंशिकदेखि सामान्य बदली रही बाँकी भू-भागमा मौसम सामान्यतया सफा रहनेछ।
तापक्रम चिसो रहिरहने हुनाले चिसोबाट बच्न तथा तराईर पहाडी भू-भागका केही स्थानमा बिहानीपख हुस्सुरकुहिरोको कारणले वायुको पारदर्शितामा कमी हुन गई सडक तथा हवाई यातायात प्रभावित हुन सक्ने सम्भावना रहेकोले आवश्यक सतर्कता अपनाउन अनुरोध गरिएको छ। nagariknews.nagariknetworkबाट साभार
