बागलुङ । लागु औषध र भरुवा बन्दुकसहित ढोरपाटनमा दुई जना पक्राउ परेका छन् । जिल्लाको ढोरपाटन नगरपालिका वडा नम्बर ४ भाङ्गीका दुई युवालाई प्रहरीले पक्राउ गरेको हो ।
इलाका प्रहरी कार्यालय बुर्तिबाङ पुगेको टोलीले दुई युवाहरुले घरमा लुकाई छिपाई राखेको करिब साढेँ २ किलो चरेस, ७ किलो गाजाँको धुलो र एक थान भरुवा बन्दुक सहित पक्राउ परेको प्रहरीले जनाएको छ । प्रहरीले पक्राउ ढोरपाटन नगरपालिका–४ भाङ्गीका ३४ वर्षीय जित बहादुर पुन र सोही गाउँका ३८ वर्षीय डम्बर बहादुर पुनलाई पक्राउ गरेको हो ।
सुकाकीको आधारमा प्रहरीले खोजतलास गर्दा उनीहरुसँगबाट चरेश, गाँजाको धूलो र भरुवा बन्दुक जफत गरिएको ईलाका प्रहरी कार्यलय बुर्तिबाङ प्रहरी निरिक्षक जयराम बन्तले बताउनुभयो । गाँजाको कारोवार गरेको भन्ने सूचना प्रहरीकोमा आएपछि प्रहरी टोली गाउँमै पुगेर बरामद गरेको प्रहरीको भनाई छ ।
जितबहादुरको घरबाट साढेँ २ किलो गाजाँको धुलो र डम्बर बहादुरको घरबाट २ किलो २ सय ग्राम चरेस, साढेँ ४ किलो गाजाँको धुलो र एक थान एकनाले भरुवा बन्दुक बरामद गरिएको प्रहरी निरीक्षक वन्तले बजानकारी दिनुभयो । उनीहरु दुबैजनालाई थप अनुसन्धानका लागि बुधबार जिल्ला प्रहरी कार्यालय बागलुङ पठाइएको प्रहरीले बताएको छ । baglungpostबाट
