काठमाडौं । प्रहरीले बाराबाट ४९ किलो गाँजासहित तीन जनालाई पक्राउ गरेको छ। पक्राउ पर्नेमा पर्सा सखुवा प्रसौनी गाउँपालिका १ का ३९ वर्षीय अमिरका पासवान, ५६ रमेश चौधरी र ३७ वर्षीय राजकुमार ठाकुर रहेका छन्।
उनीहरूलाई ना२ह ६१०६ नम्बरको अटोमा लुकाइछिपाइ ल्याएको गाँजासहित बारा महागढीमाई नगरपालिका-२ इनर्वाचोकबाट पक्राउ गरिएको बाराका प्रहरी नायब उपरीक्षक गौतम मिश्रले बताउनुभयो।लागुऔषध नियन्त्रण ब्युरो शाखा कार्यालय वीरगञ्ज र बाराको संयुक्त टोलीले अटोबाट गाँजा बरामद गरेको मिश्रले बताउनुभयो।
बिक्री-वितरणका लागि अटोमा लुकाएर राखिएको सात पोका गाँजा फेला परेको थियो। उनीहरूलाई लागुऔषध मुद्दामा अनुसन्धान थालिएको मिश्रले बताउनुभयो। पक्राउ परेकाहरू सवार अनटेष्ट पल्सर मोटरसाइकल बरामद भएको प्रहरीले जनाएको छ। सेतोपाटीबाट
