थप ९६८ जनामा कोरोना संक्रमण, ६ को मृत्यु

काठमाडौँ । पछिल्लो २४ घण्टामा नेपालमा ९ सय ६८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १६ हजार ४२ जनाको नमूना परीक्षण गर्दा उक्त संख्यामा संक्रमित फेला परेका हुन् । यस्तै कोरोना संक्रमणका कारण पछिल्लो २४ घण्टामा ६ जनाको मृत्यु भएको छ ।

यस्तै पछिल्लो २४ घन्टामा १ हजार १ सय १४ जना निको भएका छन् । मन्त्रालयका अनुसार हालसम्म ७ लाख ७१ हजार ३ सय ३८ संक्रमित निको भएका छन् । नेपालमा हाल सक्रिय संक्रमितको संख्या १६ हजार २ सय ४८ रहेको छ । कोरोनाका कारण नेपालमा मृत्यु हुनेको संख्या ११ हजार १ सय ८० पुगेको छ । हाल नेपालमा मृत्युदर १.४ प्रतिशत र निको हुनेको दर ९६.६ प्रतिशत रहेको छ ।

तपाईको प्रतिक्रिया

सम्बन्धित समाचार