काठमाडौँ । पछिल्लो २४ घण्टामा नेपालमा २ सय ३८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार १ सय २३ जनाको नमूना परीक्षण गर्दा उक्त संख्यामा संक्रमित फेला परेका हुन् । यस्तै कोरोना संक्रमणका कारण पछिल्लो २४ घण्टामा १ जनाको मृत्यु भएको छ ।
यस्तै पछिल्लो २४ घण्टामा ३ सय ७० जना निको भएका छन् । मन्त्रालयका अनुसार हालसम्म ८ लाख ३ सय ५९ संक्रमित निको भएका छन् । नेपालमा हाल सक्रिय संक्रमितको संख्या ७ हजार १ सय ६४ रहेको छ । कोरोनाका कारण नेपालमा मृत्यु हुनेको संख्या ११ हजार ४ सय ९६ पुगेको छ ।
