काठमाडौँ । पछिल्लो २४ घण्टामा नेपालमा २ सय १६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७ हजार ६ सय ३१जनाको नमूना परीक्षण गर्दा उक्त संख्यामा संक्रमित फेला परेका हुन् । यस्तै कोरोना संक्रमणका कारण पछिल्लो २४ घण्टामा मृत्यु २ जनाको मृत्यु भएको छ ।
यस्तै पछिल्लो २४ घण्टामा २ सय ९ जना निको भएका छन् । मन्त्रालयका अनुसार हालसम्म ८ लाख १२ हजार ४ सय १९ संक्रमित निको भएका छन् । नेपालमा हाल सक्रिय संक्रमितको संख्या ४ हजार ९ सय ७१ रहेको छ । कोरोनाका कारण नेपालमा मृत्यु हुनेको संख्या ११ हजार ५ सय ९६ पुगेको छ ।
