काठमाडौं । भोलि (सोमबार) दिउँसो तीन बजेका लागि बोलाइएको राष्ट्रिय सभा बैठक स्थगित भएको छ। संघीय संसदका महासचिव भरतराज गौतमले सूचना जारी गर्दै बैठक अर्को सूचना नभएसम्मका लागि स्थगित भएको जानकारी दिनुभएको छ ।
यसअघि पनि राष्ट्रिय सभा बैठक सूचना टाँस गरेर स्थगित हुने गरेको थियो । बैठक स्थगित गर्नुपर्नाको कारण खुलाइएको छैन। पछिल्लो समय दलका नेता तथा सांसदहरूमा कोरोनाभाइरसको संक्रमण बढ्न थालेको छ। राष्ट्रिय सभाकी उपाध्यक्ष शशिकला दाहाल पनि कोरोना संक्रमण भएको छ। 
सेतोपाटीबाट
