भकिम्लीका क्लवहरुको एकिकरणः एक बर्षमा एक मेला हुने

म्याग्दी । म्याग्दीको बेनी नगरपालिका वडा नम्वर ३ भकिम्लीको युवा क्लवहरु एक हुने भएका छन । बुधबार हिमचुली स्पोर्टस क्लवको आयोजना र वडा कार्यालयको समन्वयमा बसेको बैठकले सवै क्लवहरु मिलेर संयुक्त रुपमा एउटा क्लव गठन गर्ने निर्णय गरेको हो ।

हिमचुली स्पोर्टस् क्लवका अध्यक्ष भिम बहादुर थापा मगरको अध्यक्षतामा बसेको बैठकले क्रियाशिल क्लवहरुको एकता प्रक्रियाका लागि सेभेन स्टार ग्रुपका अध्यक्ष दिपक थापा मगरको संयोजकत्वमा ९ सदस्यीय कार्यदल गठन गरेको छ । कार्यदलका सदस्यहरुमा समिर घर्ति मगर, खिम बहादुर थापा मगर, भिम थापा मगर, याम घर्ति मगर, खिम बहादुर आले मगर, दिपक पुन, सुदिप पुन मगर र दिल बहादुर बिश्वकर्मा रहनुभएको छ ।

बैठकले आगामी असार २५ गते सवै क्लवका सदस्यहरुको उपस्थितिमा आमभेलाको आयोजना गरि क्वल गठन गर्ने निर्यण गरेको हिमचुली स्पोर्टस् क्वलका नि। अध्यक्ष दिपक पुनले जानकारी दिनुभयो । भकिम्लीमा हिमचुली स्पोर्टस् क्लव, सेभेन स्टार ग्रुप, गणेश स्मृति युवा क्लव, मिरमिरे युवा क्लव, हरेलो मेला आयोजक समिति,ओरेन्ज युवा क्लव गरि ६ वटा युवा क्लवहरु सक्रिय रहेका छन ।

साथै बैठकले वडा नम्वर ३ भकिम्लीमा १ बर्षमा एउटा मात्रै मेला/महोृत्सव संचालन गर्ने निर्णय गरेको छ । भकिम्लीलाई छुवाछुत मुक्त वडा घोषणा गर्नका लागि प्रगति दलित मञ्चले संचालन गरेको अभियानमा पूर्ण रुपमा साथ दिने निर्णय भएको पुनले जानकारी दिनुभयो । वडाको प्रतिनिधित्व गरेर खेलकुदमा सहभागी हुने खेलाडिको समुहलाई टिमशुल्क व्यवस्थापन गर्न वडामा माग गर्ने पनि निर्णय गरेको छ ।

बैठकमा वडा अध्यक्ष पदम पुनले भकिम्लीमा रहेका क्लवहरुको एकिकरण हुनु अत्यन्तै सकरात्मक कुरा भएको बताउनुभयो । उहाँले भकिम्लीको धार्मिक तथा पर्यटकीय स्थलको प्रचार र प्रवद्र्धनका लागि बार्षिक रुपमा एउटा मेला तथा महोत्सव संचालनमा वडा कार्यालयको पूर्ण साथ रहने बताउनुभयो । युवा क्लव संग सहकार्य गरेर विभिन्न रचनात्मक कार्य गर्ने योजना बनाएको पनि उहाँले बताउनुभयो । बैठकमा भकिम्लीका ६ वटै क्लवका प्रतितिनिधि तथा प्रगतिशिल दलित मञ्चका प्रतिनिधिको सहभागीता रहेको थियो ।

सम्बन्धित समाचार

thumbnail

म्याग्दीमा राष्ट्रिय धान दिवस तथा रोपाइँ मनाइयो (फोटो फिचर )

कृषि तथा खाद्यान्न उत्पादनलाई जोड दिनुपर्ने सरोकारवालाको भनाइ म्याग्दी । म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको…

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…