सेनाले हटायो पूर्वमन्त्री कार्कीको घरअघि भेटिएको शंकास्पद कुकर

झापा । प्रदेश नम्बर १ का पूर्वमन्त्री एवं नेकपा एमालेका नेता हिक्मत कार्की र एमाले झापा अध्यक्ष दीपक कार्कीको गौरादह ३ स्थित घरअगाडि आज बिहान फेला परेको शंकास्पद वस्तु हटाइएको छ ।

कुकरमा तार जडान गरेर राखिएको अवस्थामा उक्त वस्तु फेला परेपछि प्रहरीलाई खबर गरिएको थियो। प्रहरीले शंकास्पद वस्तु हटाउन नेपाली सेनालाई आग्रह गरेको थियो।घटनास्थल पुगेर नेपाली सेनाले उक्त वस्तु हटाएको छ।

जिल्ला प्रहरी कार्यालय झापाका अनुसार चारआलीस्थित सेनाको डिस्पोजल टोलीले उक्त शंकास्पद वस्तुको डिस्पोज गरेका हुन्।प्रहरी नायब उपरीक्षक दीलिप गिरीका अनुसार कुकरमा तार जडान गरिए पनि उक्त कुकर खाली थियो। ‘यो तर्साउन राखेकोजस्तो देखियो । कुकरमा तार रहे पनि खाली थियो,’ उहाँले भन्नुभयो । सेतोपाटीबाट

तपाईको प्रतिक्रिया

सम्बन्धित समाचार