म्याग्दी । नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्डले राष्ट्रको मुख्य समस्या बनेको भष्ट्राचारलाई नियन्त्रण गर्न खोज्दा प्रतिकृयाबादीहरु एक भएको बताउनुभएको हो ।
नेकपा माओवादी केन्द्र जिल्ला समन्वय समिति म्याग्दीले मंगलवार बेनीमा आयोजना गरेको खवरदारी सभालाई सम्बोधन गर्दै नेता प्रचण्डले आफु नेतृत्वको सरकारले भष्ट्राचार विरुद्ध र सुशासनको पक्षमा काम गर्न थालेपछि काँग्रेस– एमाले एक भएर असंवैधानीक र अप्राकृतिक तवरले सरकार बनाएको टिप्पणी गर्नुभएको हो।
‘‘ मेरो तेस्रो कार्यकालमा मैले देश र जनताको निम्ती केहि राम्रा कामको रेकर्ड बनाउने संकल्प गरेको थिए, सरकारले ठूला ठूला भष्ट्राचारका काण्डहरुलाई छानविन गर्न थालेपछि प्रतिकृयाबादीहरुमा छलपटी सुरु भयो, र सरकार ढालियो’’– प्रचण्डले भन्नुभयोे । उहाँले मुलुकलाई संधै पछि पार्ने प्रमुख कारण भष्ट्राचार भएको र यसमा नेता देखि कर्मचारीहरु सम्म मुछिने गरेको बताउनुभयो । ठूला नेताका ठूला नेताहरु भष्ट्राचारमा संलग्न रहेको प्रमाणहरु भेटिन थालेको र सरकारले कारबाही प्रकृया अघि बढाउन थालेपछि आफु नेतृत्वको सरकार ढालेको उहाँको भनाई थियो ।
मुलुकमा व्यवस्था परिवर्तन र पछाडी परेका बर्गको अधिकार प्राप्तीको लागि संघर्ष गरेको माओवादीको मुख्य एजेण्डा मुलुकमा व्याप्त रहेको भष्ट्राचार विरुद्ध हुने अध्यक्ष प्रचण्डले उद्घोष गर्नुभयो। ‘‘ जनतामा केही आसा र भरोसा बढ्न थालेको थियो, हामीलाई सरकारबाट बाहिर राख्ने काम भयो, हामी अहिले जनताको घरदैलोमा छौँ, जनताको चाहनालाई सम्बोधन गर्ने र देशमा देखिएको आर्थिक संकट समाधान गर्न हामीलाई फेरी बहुमत जनताले दिनुपर्छ, देशलाई परिवर्तन गर्न हामीले नै नेतृत्व गर्न जरुरी छ’’– प्रचण्डले भन्नुभयो ।
उनले मुलुकको आर्थिक विकासको प्रमुख आधार बनेको जलविद्युत उत्पादन र अन्तरदेशिय व्यापारको लागि समेत आफ्नो नेतृत्वको सरकारले छिमेकी राष्ट्रसंग सम्झौता तथा पूर्वाधार निर्माणको थालनी गरेको बताउनुभयो । उहाँले बेनी–दरबाङ–जलजला– हुँदै ढोरपाटन सडकलाई मध्यपहाडी लोकमार्गको बैकल्पिक मार्ग बनाउन समेत आफुले पहल गर्ने प्रतिबद्धता जनाउनुभयो ।
नेता प्रचण्डले बेनी मंगलवार नै बेनी, सिंगा, राक्सेका सहित परिवारसंग भेटघाट गरेका थिए भने प्राकृतिक उपचार केन्द्र बनेको सिंगा तातोपानीको समेत अवलोकन गर्नुभएको थियो। सभामा नेकपा माओवादी केन्द्रका केन्द्रिय सदस्य गोविन्द पौडेल, गण्डकी प्रदेशका पूर्व मन्त्रि तथा प्रदेश सभा सदस्य रेशम जुग्जाली, प्रदेश सभा सदस्य हरि भण्डारी, पुर्व प्रदेश सभा सदस्य विनोद केसी,पार्टीका जिल्ला समन्वय समितिका अध्य शेर बहादुर केसी लगायतले सम्बोधन गर्नुभएको थियो ।
