काठमाडौं । एक सय किलो गाँजा बोकेको ट्याक्टरसहित दुई जना पक्राउ परेका छन्।सिरहा मिर्चैया नगरपालिका-१ मनहर्वाबाट प्रहरीले ना२त १४ नम्बरको ट्याक्टरका चालक १९ वर्षीय सुन्दर कापर र २६ वर्षीय सहचालक जितेन्द्र महतोलाई आइतबार पक्राउ गरेको हो।
प्रहरीका अनुसार मनहर्वाको भित्री सडकमा दक्षिणतर्फ जाँदै गरेको ट्याक्टरमा गाँजा लगिँदै थियो। चेकजाँच गर्ने क्रममा प्लाष्टिकको बोरामा प्याक गरिएको गाँजा फेला परेको थियो।
उक्त गाँजा भित्री बाटो हुँदै भारत निकासी गर्न लगिएको प्रहरीले जनाएको छ। पक्राउ परेका दुवैलाई लागुऔषध नियन्त्रण ऐन अनुसार अनुसन्धान थालिएको प्रहरीले जनाएको छ। सेतोपाटीबाट साभार
