काठमाडौँ । पछिल्लो २४ घण्टामा नेपालमा ६ सय ७२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट ७ हजार १६७ र एन्टिजेन विधिबाट २३२८ जनामा भएको परीक्षणमा जम्मा ६७२ जनामा कोरोना संक्रमण पुष्टि भएको हो ।
यस्तै कोरोना संक्रमणका कारण पछिल्लो २४ घण्टामा ८ जनाको मृत्यु भएको छ । योसंगै कोरोनाका कारण नेपालमा मृत्यु हुनेको संख्या ११ हजार ३ सय ८० पुगेको छ । यस्तै पछिल्लो २४ घण्टामा ४ सय ९० जना निको भएका छन् । मन्त्रालयका अनुसार हालसम्म ७ लाख ८९ हजार १ सय २५ संक्रमित निको भएका छन् । नेपालमा हाल सक्रिय संक्रमितको संख्या १० हजार ३ सय ७५ रहेको छ ।
