थप ५२९२ जनामा कोरोना संक्रमण, ८१९१ संक्रमणमुक्त

काठमाडौँ । पछिल्लो २४ घण्टामा नेपालमा ५ हजार २ सय ९२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १६ हजार ८८ जनाको नमूना परीक्षण गर्दा उक्त संख्यामा संक्रमित फेला परेका हुन् ।

यस्तै कोरोना संक्रमणका कारण थप ८ जनाको मृत्यु भएको छ । कोरोनाका कारण नेपालमा मृत्यु हुनेको संख्या ११ हजार ७ सय ४३ पुगेको छ । यस्तै पछिल्लो २४ घण्टामा ८ हजार १ सय ९१ जना निको भएका छन् । नेपालमा हाल सक्रिय संक्रमितको संख्या ७९ हजार २ सय ७२ रहेको छ ।