म्याग्दी ,सोमबार चैत २४ गते।
माछा मार्ने क्रममा बगेर कालिगण्डकी नदीमा बेपत्ता भएका मंगला गाउँपालिका–३ बरंजा घर भएका ४४ बर्षिय रामप्रसाद शेरचनको शब आइतबार साँझ मालढुंगामा भेटिएको छ ।
पर्वतको कुस्मा नगरपालिका वडा नं १ स्थित कालिगण्डकी नदीमा बगाउँदै गरेको अवस्थामा स्थानीयले लाश देखेपछि बाहिर निकाल्दा शेरचनको भएकाले पोष्टमार्टमका लागी बेनी अस्पतलामा ल्याइएको जिल्ला प्रहरी कार्यालय म्याग्दीका सूचना अधिकारी तथा प्रहरी निरिक्षक धुब्रप्रसाद शर्माले बताउनुभयो । पोस्टमार्टम पछि सोमबार अन्त्येष्टि गरिने भएको छ ।
लकडाउनको समयमा धवलागिरी गाउँपालिका–२ का हिम बहादुर पाईजासँगै मिलनचोक हुदै गएका शेरचन डोरीसँगै नदीमा प्रवेश गरेका थिए । नदीबाट ननिस्किएपछि सँगै गएका पाईजाले प्रहरीलाई खवर गरेका थिए ।
आफन्त, स्थानीयवासी, नेपाल प्रहरीले खोजी गरेपनि फेला नपारेपछि सशस्त्र प्रहरीको गोताखोरको टोलीले घटनास्थल सिमदेखि मालढुंगासम्म खोजीकार्य गरेपनि फेला पारेका थिएनन् ।
