म्याग्दीका सामुदायिक विद्यालयलाई ल्यापटप हस्तान्तरण

प्रताप बानियाँ / म्याग्दी, शनिबार जेठ २५ गते । महिला, बालबालिका तथा ज्येष्ठनागरिक मन्त्री थममाया थापाले शुक्रबार प्रकाश माध्यमिक विद्यालयलाई ल्यापटप हस्तान्तरण गरेकी छिन् । म्याग्दीको सदरमुकाम बेनीमा सञ्चालित प्रकाश माविको पूर्व विद्यार्थी समेत रहेकी मन्त्री थापाले आफ्नो पहलमा दक्षिण कोरियाको उम हङगिल हुम्यान फाउण्डेशनको सहयोगमा उपलब्ध ४ थान ल्यापटप हस्तान्तरण गरेकी हुन् ।

उक्त ल्यापटप मन्त्री थापाले विद्यालय व्यवस्थापन समितिका कार्यवाहक अध्यक्ष हरिकृष्ण श्रेष्ठ र प्रधानाध्यापक हरिकृष्ण सुवेदीलाई प्रदान गरेकी थिइन् । ल्यापटप हस्तान्तरण गर्दै मन्त्री थापाले सङ्घीयताको मर्म र भावना अनुसार अबको शिक्षा प्रदान गर्नुपर्ने आवश्यकता रहेको बताइन् । सरकारले चालु वर्षमा भन्दा आगामी वर्षमा शिक्षा क्षेत्रलाई जोड दिएर दोब्बर बजेटको व्यवस्था गरेको बताउँदै उनले विद्यार्थीहरुलाई प्राविधिक, व्यावसायिक र गुणस्तरीय शिक्षा दिनुपर्नेमा जोड दिइन् ।

सूचना प्रविधिमा थोरै भए पनि सहयोग होस् भन्ने उद्देश्यले कक्षाकोठामा प्रविधियुक्त शिक्षा प्रदान गर्नका लागि शिक्षकहरुलाई लक्षित गरेर विद्यालयमा ल्यापटप सहयोग उपलब्ध गराइएको मन्त्री थापाको भनाइ छ ।

यसैगरी शुक्रबार म्याग्दी सामुदायिक पुस्तकालयलाई पनि एक थान ल्यापटप सहयोग गरिएको छ । यसअघि बिहीबार फाउण्डेशनमार्फत महादेव मावि वेगलाई ४ थान, अमर मावि चिमखोलालाई ३ थान, मुक्तिधाम मावि भगवतीलाई ४ थान, ज्ञानोदय मावि मौवाफाँट र रघुगगां मावि पिप्लेलाई २÷२ थान ल्यापटप उपलब्ध गराइएको थियो ।

विद्यालय व्यवस्थापन समितिका कार्यवाहक अध्यक्ष हरिकृष्ण श्रेष्ठको अध्यक्षता, प्रअ हरिकृष्ण सुवेदीको स्वागत र सहायक प्रअ लेखबहादुर हमालको सञ्चालनमा सम्पन्न कार्यक्रममा विद्यार्थीहरुले स्वागत नृत्य प्रस्तुत गरेका थिए ।

सम्बन्धित समाचार

thumbnail

किसानलाई धान रोप्ने चटारो (फोटो फिचर)

बेनी । म्याग्दीका किसान यतिबेला धान रोप्न व्यस्त छन् । हिलो र आलीमा किसान । कोही जोत्ने त, कोही हिलो–आली गर्न । हिलो मिलाउने सबै आफ्नै धुनमा । बीउ काढ्ने र धान…

thumbnail

नगरपालिकाद्वारा विद्यालयलाई ल्यापटप वितरण

म्याग्दी । म्याग्दीको बेनी नगरपालिकाद्वारा आज (बिहीबार) नगरपालिकाअन्तर्गत विभिन्न वडामा सञ्चालनमा रहेका विद्यालयहरुलाई ल्यापटप वितरण भएको छ । नेपाल सरकारको चालु आर्थिक वर्षको वार्षिक स्वीकृत कार्यक्रमअनुसार नगरपालिकालाई प्राप्त सशर्ततर्फको कार्यक्रमबाट विद्यालयलाई ल्यापटप…

thumbnail

सिङ्गामा महिलाहरुको पाठेघर खस्ने रोगको स्क्रिनिङ सम्बन्धी भिआइए परीक्षण

निःशुल्क स्वास्थ्य शिविरबाट ग्रामीण भेगका सर्वसाधारणहरु लाभान्वित म्याग्दी ।म्याग्दीको बेनी नगरपालिकाको आयोजनामा हिँजो (बुधवार) बेनपा–४, सिङ्गामा निःशुल्क स्वास्थ्यसम्बन्धी शिविर सम्पन्न भएको छ । महिलामा पाठेघर खस्ने रोगको स्क्रिनिङ, रिङपेशरी तथा भिआइए जाँचसम्बन्धी…