भीमफेदीमा जीप दुर्घटना हुँदा २ जनाको मृत्यु, ६ घाइते

मकवानपुर । भीमफेदी–कुलेखानी सडक खण्डअन्तर्गत् भीमफेदी–६, चिसापानी गढी नजिकै आइतबार दिउँसो जीप दुर्घटना भएको छ ।

हेटौंडाबाट काठमाडौंतर्फ जाँदै गरेको ना १ ज ४१०६ नम्बरको जीप अनियन्त्रित भएर सडकबाट करिब १०० मिटर तल खस्दा दुई जनाको घटनास्थलमै मृत्यु भएको हो । उनीहको सनाखत हुन सकेको छैन । जीपेमा आठ जना सवार रहेको र सुमो सडकबाट सिम खोलामा खसेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले बताए ।

‘एउटा बच्चासहित जीपमा आठजना सवार थिए । जसमध्ये छजना घाइतेको भीमफेदी प्राथमिक स्वास्थ्य केन्द्रमा उपचार भइरहेको छ । उनीहरुको अवस्था सामान्य रहेको छ ।’, प्रहरी नायब उपरीक्षक रानाका अनुसार जीपलाई उकालोमा टर्निङ नपुगेर ब्याक गर्ने क्रममा सडकबाट तल खसेको हो । इलाका प्रहरी कार्यालय भीमफेदीको टोलीले दुर्घटनामा घाइते भएकाहरुको उद्धार गरेको थियो । ekantipurबाट साभार