काठमाडौं । पछिल्लो २४ घण्टामा थप ७ सय ७६ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ५१ हजार ६ सय ९२ पुगेको छ ।
यस्तै पछिल्लो २४ घण्टामा थप ९ सय ४७ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ४० हजार ३ सय ६३ पुगेको छ भने हाल देशभर ९ हजार ५ सय ८० जना सक्रिय संक्रमित रहेका छन् ।
पछिल्लो २४ घण्टामा थप ६ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ७ सय ४९ पुगेको छ ।नेपालमा कोरोना निको हुने दर ९५.५ प्रतिशत रहेको छ ।
