काठमाडौँ । पछिल्लो २४ घण्टामा थप १ सय ४२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यो सँगै हालसम्म नेपालमा २ लाख ७१ हजार ४ सय ३१ संक्रमितको संख्या पुगेको छ ।
त्यसैगरी २४ घण्टामा २ सय ६ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको संख्या २ लाख ६७ हजार ६५ पुगेको छ । नेपालमा निको हुने दर ९८.४ प्रतिशत रहेको छ ।
हाल संस्थागत आइसोलेसनमा ८८१ जना रहेका छन् भने आईसीयूमा ६१ र भेन्टिलेटरमा १७ जना रहेका छन् । २४ घण्टामा १ जनाको कोरोना संक्रमणबाट मृत्यु भएको छ । योसंगै हालसम्म देशभर मृत्यु हुनेको संख्या २ हजार ३१ पुगेको छ ।
