थप १६० जनामा कोरोना संक्रमण पुष्टि, २ को मृत्यु

काठमाडौँ । पछिल्लो २४ घण्टामा देशभर १ सय ६० जनामा कोरोना संक्रमण पुष्टि भएको छ । यो सँगै देशभर संक्रमितको कुल संख्या २ लाख ७२ हजार २ सय १५ पुगेको छ । हाल मुलुकभर सक्रिय संक्रमितको संख्या १ हजार ७ सय ३७ छ ।

त्यसैगरी २४ घण्टामा १६५ जना निको भइ डिस्चार्ज भएका छन् । यो सँगै कोरोनाबाट निको हुनेको संख्या २ लाख ६८ हजार ४ सय ३१ पुगेको छ । २४ घण्टामा कोरोनाबाट २ जनाको मृत्यु भएको छ ।नेपालमा हालसम्म कोरोना संक्रमणले दुई हजार ४७ जनाको मृत्यु भइसकेको छ।