रहेनन् निर्देशक चेतन कार्की

काठमाडौँ । नेपाली चलचित्रका सफल निर्देशक, लेखक, गीतकार तथा साहित्यकार चेतन कार्कीको निधन भएको छ । उहाँको ८४ बर्षको उमेरमा उपचारका क्रममा निधन भएको हो ।

गत आइतबार कोरोना संक्रमित भएपछि उहाँलाई छाउनीस्थित अस्पतालमा भर्ना गरिएको थियो । उहाँको आज बिहान १० बजे उपचारका क्रममा निधन भएको हो ।

उहाँको निधनमा चलचित्रकर्मीले दुःख व्यक्त गरेका छन् । चेतन कार्कीले ‘विश्वास, पहिलो प्रेम, मनको आँखा, भूमरी’ लगायतका चलचित्र निर्देशन गरेका थिए । साथै, उहाँले सय भन्दा बढी चलचित्रका कथा समेत लेखेका छन् । उहाँले चलचित्र ‘परिवर्तन’देखि चलचित्र लेखनको काम सुरु गरेका थिए ।

निर्देशक तथा कलाकार निर शाहले नेपाली चलचित्रका एक जिउँदो इतिहासलाई गुमाउनु परेको उल्लेख गरेका छन् ।यस्तै, नायिका करिश्मा मानन्धरले चेतन कार्की आफ्नो लागि वास्तविक हिरो भएको उल्लेख गरेकी छिन् । अनलाइनखबरबाट

 

तपाईको प्रतिक्रिया

सम्बन्धित समाचार