बेनी । म्याग्दीमा शनिवार थप ११९ जनामा कोरोना संक्रमण पुष्टि भएको छ। स्वास्थ्य कार्यालय म्याग्दीका अनुसार संक्रमित हुनेमाजिल्लाको बेनि नगरपालिकामा ३७ जना , मंगला गाँउपालिकामा २ जना , रघुगंगा गाँउपालिकामा ४९ जना, अन्नपूर्ण गाँउपालिकामा २ जना, मालिका गाँउपालिकामा ११ जना र जलजला गाउँपालिकाका ३ जना गरी १०४ जना (पिसिआर विधिबाट) र बेनी नगरपालिकाका १ जना, अन्नपूर्ण गाउँपालिकाका १ जना, रघुगंगा गाउँपालिकाका ७ जना, धवलागिरी गाउँपालिकाका ३ जना, मंगला गाउँपालिकाका १ जना र जलजला गाउँपालिकाका २ जना गरी १५ जना(एन्टीजेन विधिबाट) गरी जम्मा ११९ जना रहेका छन्।
यो संगै म्याग्दीमा कोरोना संक्रमितको संख्या १३१६ जना पुगेको छ । जम्मा संक्रमित मध्य पिसिआरबाट १०३५ जना र एन्टिजेन विधिबाट २८१ जना पहिचान भएका स्वास्थ्य कार्यालय म्याग्दीले जनाएको छ । यसैगरी शनिबार मात्र ६९ जना निको भएका छन् ।जिल्लामा ३८४ जना सक्रिय संक्रमित रहेका छन् ।म्याग्दीबाट स्वाब संकलन गरेर पठाइएका मध्य ६०६वटा नमुनाको रिपोर्ट आउन बाकी रहेको छ।
