काठमाडौं । भक्तपुरको मध्यपुर ठिमी नगरपालिका–४ चारदोवाटोमा मोटरसाइकल दुर्घटना हुँदा एक जनाको मृत्यु भएको छ । गएराती बा.७७ प ५६०५ नम्बरको मोटरसाइकल दुर्घटना हुँदा सोलुखुम्बु घर भएका रमेश कुमार बस्नेतको मृत्यु भएको भक्तपुरकी एसपी तारादेवी थापाले बताउनुभयो ।
काठमाडौंबाट भक्तपुर जाँदै गरेको सो मोटरसाइकलमा ३ जना सवार थिए । अनियन्त्रित भएर आइल्याण्डमा मोटरसाईकल ठोक्किँदा गम्भिर घाइते भएका बस्नेतको उपचारको क्रममा त्रि।वि शिक्षण अस्पताल महाराजगञ्जमा मृत्यु भएको हो ।
मोटरसाइकल पछाडी सवार उदयपुर घर भएका लोकेन्द्र मग्राती र सिन्धुलीको तिनपाटन घर भएका अमित जैरु घाइते भएका छन् । उनीहरुकोे त्रि.वि शिक्षण अस्पतालमा उपचार भइरहेको एसपी थापाले बताउनुभयो । रातोपाटीबाट
