काठमाडौँ । पछिल्लो २४ घण्टामा थप ३ हजार ३ सय ८३ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार १० हजार ६ सय ३८ आरटी पिसिआर र ६ हजार ८० जनाको एन्टिजेन विधिबाट परिक्षण गर्दा जम्मा ३ हजार ३ सय ८३ नामा कारोना संक्रमण पुष्टि भएको हो ।
हालसम्म नेपालमा पिसिआर विधिबाट ७ लाख २ हजार ९७ जनामा र एन्टिजेन विधिबाट ६३ हजार ७ सय १८ जनामा कोरोना संक्रमण पुष्टि भएको छ । हाल देशभर सक्रिय संक्रमितको संख्या ३२ हजार ५९ रहेको छ ।
पछिल्लो २४ घण्टामा कोरोनाभाइरसबाट २४ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ९ हजार ९ सय २२ पुगेको छ । हाल नेपालमा मृत्यु हुने दर १.५ प्रतिशत रहेको छ । यस्तै पछिल्लो २४ घण्टामा १ हजार ९ सय ९४ जनाले कोरोना जितेका छन् । यो संगै कोरोना संक्रमणमुक्त हुनेको संख्या ६ लाख ६० हजार १ सय १६ रहेको छ ।मन्त्रालयका अनुसार निको हुनेको दर ९४ प्रतिशत छ ।
