काठमाडौँ । पछिल्लो २४ घण्टामा नेपालमा २ हजार ४ सय ४४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ हजार ३३ जनाको नमूना परीक्षण गर्दा उक्त संख्यामा संक्रमित फेला परेका हुन् । यस्तै कोरोना संक्रमणका कारण पछिल्लो २४ घण्टामा १ जनाको मृत्यु भएको छ ।
यस्तै पछिल्लो २४ घण्टामा ३ सय १३ जना निको भएका छन् । मन्त्रालयका अनुसार हालसम्म ८ लाख १४ हजार ७ सय ९८ संक्रमित निको भएका छन् । नेपालमा हाल सक्रिय संक्रमितको संख्या ९ हजार ५ सय २२ रहेको छ । कोरोनाका कारण नेपालमा मृत्यु हुनेको संख्या ११ हजार ६ सय ७ पुगेको छ ।
