सुरेन गरुङ्ग
पोखरेबगर ।मंगलबार साँझ अन्नपूर्ण गाउँपालिका –३ गईठे नजिकैको भिरबाट कालिगण्डकी नदीमा खसेर बेपत्ता टिप्पर चालक अन्दाजी २६ बर्षिय ज्ञानबहादुर पुनको शव भेटिएको छ । गिट्टी बोकेर गुइठेदेखि घार तर्फ जाँदै गरेको बा २ ख ३४२५ नम्बरको टिप्पर सडक भासिएर कालीगण्डकीमा खसेको हो ।
जिल्लाको मंगला गाउँपालिका –५का बेपत्ता पुनको शव बुधबार विहान साढे ९ बजेको समयमा अन्न्नपूर्ण गाउँपालिका– ६ रातोपानीमा फेला परेको जिल्ला प्रहरी कार्यालय म्याग्दीले जनाएको छ ।
मृत अवस्थामा भेटिएका पुनलाई भुरुङ्ग तातोपानी प्रहरी चौकीको टोली र स्थानीयले निकालेका थिए । सो टिप्पर घारखोला जलविद्युत आयोजनाको निर्माण सामग्री ढुवानीमा प्रयोग भएको थियो । माथीबाट खसेको पहिरोका कारण सांघुरो भएको सडकमा टिप्पर चलाउँदा दुर्घटना भएको स्थानीयको भनाइ छ ।
