काठमाडौं । कोरोना भाइरसको संक्रमणबाट ९ वर्षीया बालिकाको मृत्यु भएको छ । सुनसरी इटहरी-६, की बालिकाको बिहान बीपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको हो ।
प्रतिष्ठानका सहप्रवक्ता डा.आशिष श्रेष्ठले कात्तिक १७ गते कोरोना पुष्टि भएपछि ती बालिकाको १८ गतेदेखि अस्पताल भर्ना गरेर उपचार थालिएको थियो । तर, आज बिहान ३ः२५ बजे बालिकाको मृत्यु भएको श्रेष्ठले जानकारी दिए । यसअघि ती बालिकामा कुनै स्वास्थ्य समस्या नभएको परिवारले जनाएको छ । नागरिक खबरबाट साभार
