सिन्धुली । सिन्धुलीको दुधौलीमा ट्याक्टर दुर्घटना हुँदा एक जनाको मृत्यु भएको छ । अरु दुई जना घाइते छन । प्रदेश २–०३–००१ त १८७५ नम्बरको ट्याक्टर दुर्घटनामा परेर दुधौली नगरपालिका १३ ठाकुरदमारका २५ वर्षीय इन्द्रबहादुर खड्काको घटनास्थलमा नै मृत्यु भएको जिल्ला प्रहरी कार्यालय सिन्धुलीका डिएसपी मनोज लामाले बताए ।
मृतक ट्याक्टरका चालक भएको प्रहरीको भनाइ छ । दुर्घटनामा परेका मृतकको शव निकाल्न प्रयास गरिएपनि ट्याक्टर दुर्घटना भीरमा भएको र शव निकाल्न कठिन रहेको प्रहरीको भनाइ छ ।
दुर्घटनामा परेर ट्याक्टरमा सवार दाङ जिल्ला सुनढ्याब्री गाउँपालिका निवासी ३० वर्षीय भगतराम चौधरी र रामु चौधरी घाइते भएका छन । उनीहरुलाई उपचारको लागि विराटनगर पठाइएको प्रहरीले जनाएको छ । बाँसबोटे स्कुलबाट निर्माण सामग्री अनलोड गरी सिकारी ढुङ्गातर्फ फर्कने क्रममा ट्याक्टर एकाएक अनियन्त्रित भएर दुर्घटनामा परेको प्रहरीको भनाइ छ । नागरिक खबरबाट
