झापा । झापामा जंगली हात्तीको आक्रमणबाट एकजनाको ज्यान गएको छ । मृत्यु हुनेमा मेचीनगर ९ का ४५ वर्षीय श्याम राई रहेका छन् ।
आज बिहान मेचीनगर ९ स्थित मागुरमारी सामुदायिक बन बिट न.१ बाट निस्किएको एउटा जंगली हात्तीलाई धपाउने क्रममा राईलाई अचानक हात्तीले आक्रमण गरेको थियो ।
हात्तीको आक्रमणपछि घाईते भएका राईलाई उपचारका लागि मेची अस्पताल भद्रपुर लगिएकोमा उपचारका क्रममा उनको मृत्यु भएको जिल्ला प्रहरी कार्यालय झापाले जनाएको छ ।६ दिनअघि पनि कमल गाउँपालिका ३ बस्ने ४४ वर्षीय जितबहादुर लिम्बुको पनि हात्तीकै आक्रमणमा परी ज्यान गएको थियो । नागरिक खबरबाट
