सिन्धुली । सिन्धुलीमा १०० वर्षकी महिलाले कोरोना जितेकी छन् । बुधबार कोरोना जित्ने महिला कमलामाई नगरपालिका–६ की स्थानीय हुन् । १ सय वर्षकी बयोवृद्धा इन्दिरा कुमारी थापाले आज कोरोना जितेर घर फर्किएकी हुन् ।
उनी कोभिड अस्पताल सिन्धुलीमा उपचाररत थिइन् । आज डिस्चार्ज भएकी महिलाबारे प्रतिक्रिया दिँदै सिन्धुली अस्पतालका अध्यक्ष प्रह्लाद पोखरेलले भने, “आमाको आत्माबल देख्दा हामी पनि नत मस्तक छौं ।”
सिन्धुलीमा दोस्रो भेरियन्टको कोरोना संक्रमणबाट अहिलेसम्म २५ जनाको ज्यान गएको छ । यस्तै, २६४ जनाले कोरोना जितेका छन् । जिल्लाभित्र कोरोना संक्रमित १ हजार ४ सय १६ जना पुगेको छ । नागरिक खबरबाट
