धनगढी । अविरल वर्षासँगै आएको पहिरोले भीमदत्त पन्त राजमार्ग अवरुद्ध भएको छ ।सुदूरपश्चिम प्रदेशका ७ पहाडी जिल्ला जोड्ने भीमदत्त पन्त राजमार्ग अन्तरगत डोटीको जोरायल गाउँपालिका वडा नम्बर १ मा सडकमाथिबाट आएको पहिरोले राजमार्ग अवरुद्ध भएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक ईन्द्रबहादुर मल्लले मंगलबार बिहान गएको पहिरोका कारण राजमार्ग अवरुद्ध भएको जानकारी दिनुभयो ।उहाँका अनुसार राजमार्ग अवरुद्ध भएपछि गन्तव्यका लागि छुटेका सवारीसाधन बीच बाटामै रोकिएका छन् । अहिले डोजरको साहयताले पहिरो पन्छ्याउने काम भइरहेको प्रहरी नायब उपरीक्षक शाहीले बताउनुभयो ।
बैतडीको सिगाश गाउँपालिका–९ मा पर्ने ढोल्यामोडमा पनि सडकमाथिबाट परेको पहिरोले राजमार्ग अवरुद्ध भएको छ ।प्रदेश प्रहरी कार्यालयका प्रवक्ता प्रहरी उपरीक्षक योगेन्द्र थापाले पहिरोले बैतडी र बझाङ जोड्ने राजमार्ग अवरुद्ध भएको बताउँदै खुलाउने काम भइरहेको बताउनुभयो । onlinekhabarबाट
