एजेन्सी । इटलीमा एक निजी विमान दुर्घटना हुँदा ८ जनाको ज्यान गएको छ ।इटलीको उत्तरी सहर मिलानमा रहेको एक खाली कार्यालय भवनमा ठोक्किएर विमान दुर्घटना हुँदा विमानमा सवार आठै जनाको ज्यान गएको हो ।
मिलानको लिनाते विमानस्थलबाट सार्दिनिया आइल्यान्डका लागि उडेको सिंगल इन्जिन पिलाटस पीसी १२ विमान दुर्घटनामा परेको हो । दुर्घटनामा पाइलटसहित उनकी श्रीमती र छोराको पनि ज्यान गएको त्यहाँका सञ्चारमाध्यमले उल्लेख गरेका छन् ।
विमान ठोक्किएपछि भवन तथा भवन परिसरमा रहेका कारमा आगलागी भएको थियो ।दुर्घटनाको कारणबारे अनुसन्धान भइरहेको छ । बीबीसी
